Загреб доби подарок учество на Ф4 во СЕХА лигата, па креираше сензација и се пласираше во финалето

Екипата на Загреб е првиот финалист во СЕХА лигата откако во првиот полуфинален натпревар успеа да  го елиминира тимот на Мешков Брест.

Хрватскиот претставник кој во полуфиналето се пласираше откако Борко Ристовски  беше позитивен на Ковид-19, па на Вардар му беше скратено правото да учествува на фајнл-фор турнирот иако тоа го обезбеди на теренот.

Загреб до финалето стигна по подоброто изведување на пеналите откако во регуларниот дел по голема драма натпреварот заврши без победник, 32:32.

Стрелец на голот вреден финале беше Иван Чупиќ кој го реализираше последниот пенал за конечен резултат 38:37.

Токму Иван Чупиќ заедно со Вистороп беа најефикасни во таборот на ППД Загреб со по осум погодоци, додека Валјупов со шест беше најефикасен во поразениот тим.