Тухел го образложи планот за чудо на Баерн против Сити

Баерн Минхен доживеа убедлив пораз на гостувањето кај Манчестер Сити, но германскиот тим ќе се обиде да направи подвиг на домашен терен против актуелниот англиски првак.

Тоа е очекувано од тимот на Томас Тухел, кој на располагање има силен состав, а тренерот на Баерн и денеска потенцирал дека тој и играчите до последно ќе веруваат во чудо.

– Треба да одиме чекор по чекор.

– Прва задача ни е да победиме во првото полувреме, а потоа се ќе биде можно.

– Мора да бидеме одговорни на теренот и да веруваме дека можеме да стигнеме до посакуван резултат, никако не смееме да брзаме во тој обид.

– Ако успееме, тоа сигурно ќе биде чудо. Можеби овојпат ќе имаме и повеќе среќа, треба да се поклопат многу работи кога бркате ваков резултат, – истакнал Тухел.