Трошоци за агенти: Челси ги предводи премиерлигашите, за една година исплатени над 400 милиони фунти

Премиерлигашите исплатиле 409,5 милиони фунти на агенти и посредници во период од само една година, – објавија англиските медиуми повикувајќи се на податоците на Англиската фудбалска асоцијација.

Челси е на врвот со нешто повеќе од 75 милиони фунти, потрошени само за агентите и посредниците кои учествувале во реализација на трансферите во ерата на американските сопственици предводени од Тод Боли.

Манчестер Сити е втор со 60,6 милиони фунти, а далеку зад водечката двојка е Манчестер Јунајтед со исплатена сума од 34 милиони фунти.

Ливерпул, Арсенал и Астон Вила ја надминале сумата од 20 милиони фунти, додека најмалку потрошил Лутон (2 милиона фунти).

Фудбалската асоцијација ја направила анализата за периодот од февруари 2023 до февруари 2024 година.