Репрезентација
Тројца осомничени за убиство на Тот, МВР објави детали за трагедијата
Министерството за внатрешни работи и Јавното обвинителство излегоа со официјални соопштенија и детали за случајот со Денис Тот, ракометарот на РК Бутел кој почина во Клиничкиот центар во Скопје.
Имено смртта на Тот дефинитивно е насилна и три лица се осумничени за неговото убиство. Станува збор за лицата А.Ѓ. (28), К.Л.(19) и А.К.(22) од Скопје кои го нападнале и му нанеле удари по главата на Тот од кои тој паднал со глава наназад на асфалтот и изгубил свест.
Ова е целосното соопштение на МВР:
Врз основа на прегледаните видео записи идентификувани се три лица за кои предметниот обвинител по добивање на кривичната пријава ќе донесе Наредба за спроведување на истражна постапка, поради постоење на основано сомнение дека осомничените меѓу кои една девојка (19) сториле кривично дело Убиство од член 123 став 1 вв член 22 од КЗ. Двајца од осомничени се лишени од слобода и денес ќе бидат изведени пред судија на претходна постапка при Основниот кривичен суд Скопје, додека по првоосомничениот кој е недостапен на органите на прогонот се трага и е распишан централен распис.
Со оглед на тежината на стореното кривично дело и запретената казна, како и заради непречено водење на постапката, обвинителството цени дека се исполнети законските услови за определување на најстрогата мерка за обезбедување на присуство, па за сите осомничени ќе предложи да им биде определена мерката притвор.
Денес во утринските часови на Институтот за судска медицина и геонтологија беше извршена обдукција врз починатото лице и според првичните наоди, иако нема видливи повреди, смртта е насилна и настапила како резултат на повреди на мозокот настанати од нанесените удари.
Кривично правниот настан се случил на 7 овој месец, во раните утрински часови, пред ноќен клуб во Скопје кога осомничените по кратка вербална расправија, го нападнале сега починатиот хрватски државјанин и му задале повеќе удари со боксови и клоци. Од ударите сега починатиот паднал и со задниот дел од главата удрил во асфалт и изгубил свест. Тројцата осомничени продолжиле со дејствија на удирање по главата, а потоа, без да му укажат помош, заминале од местото на настанот. Лице вработено во ноќниот клуб повикало Итна медицинска помош по што сега починатиот бил пренесен на Ургентниот центар при Клиниките „Мајка Тереза“. Според информациите од лекарите што го примиле сега починатиот, лицето имало престанок на работата на срцето, масивен оток на мозокот, пресечен јазик и висока телесна температура. По приемот бил ставен на апарати за дишење и бил во животно загрозувачка состојба, а наредниот ден и покрај обидите за реанимација починал.
-
Англијапред 7 часа
Разиграниот Челси потопи уште еден ривал од Лондон (ВИДЕО)
-
Шпанијапред 15 часа
Винисиус го „поздрави“ Араухо и ја повтори неговата изјава од минатата година (Фото)
-
Италијапред 14 часа
Инѕаги ги потврди првите две летни засилувања за шампионот Интер
-
Шпанијапред 13 часа
Белингам ја прослави првата титула во Ла Лига со најсаканата личност во животот (Фото)
-
НБАпред 15 часа
Неверојатниот Едвардс го засени Јокиќ, Минесота ја отвори со брејк полуфиналната серија (Видео)
-
Шпанијапред 14 часа
Лапорта беснеел во ВИП ложата и извикувал исти зборови по харакири-сценариото на „Монтиливи“
-
Светпред 7 часа
Меч кој ќе се памети: Меси ја одигра најдобрата партија во кариерата (ВИДЕО)
-
Светпред 9 часа
Се сели на Апенините: Димитријевиќ се договорил со италијански великан