Сингл победата на Ѓоковиќ недоволна, Хрватите обезбедија финале во Дејвис купот

Новак Ѓоковиќ обезбеди уште една сингл победа во Дејвис куп полуфиналето на Србија против Хрватска, но тој и Филип Крајиновиќ беа немоќни против докажаниот дубл составен од Никола Мектиќ и Мате Павиќ.

Полуфиналната пресметка започна со многу важна победа на Борна Гојо во дуелот со Лајовиќ (2:1), додека подоцна Ѓоковиќ славеше над Марин Чилиќ со 2:0 во сетови.

Мечот во игра на двојки беше решавачки за патникот во финалето, а во него Мектиќ и Павиќ беа трпеливи до дванаесеттиот гејм во првиот сет и доминираа во вториот за конечни 7:5/6:1.

Светскиот рекет број еден и неговите колеги нема да можат да се борат за титулата, а Хрватите за противник ќе го имаат подобриот од второто полуфинале во кое ќе се сретнат Русија и Германија.

Финалето ќе се игра во недела во Мадрид, а Хрватите досега имаат три трофеи во Дејвис купот.