АТП
Синер беше „ограбен“ од судиите во Монте Карло, Циципас преку драма до големото финале (Видео)
Јаник Синер успеа да направи пресврт и да се врати од негатива на мечот против Стефанос Циципас, но во моментите кога личеше дека го игра најдобриот тенис и е пред пласман во финалето, Италијанецот беше „ограбен“ од судиите и една топка го промени цел тек на третиот сет.
Гркот покажа дека е специјалист за земја и значително ги поправи резултатите во Монте Карло, но денеска го победи најразиграниот тенисер на АТП турот со мала помош од судиите.
Циципас го доби првиот сет со 6:4 и најави возбудлив и долг меч, а потврда за тоа добивме во вториот во кој Синер реагираше и возврати со 6:3.
Одлуката падна на третиот сет кој далеку подобро го отвори Синер, кој покрај тоа што направи брејк, требаше во џеб да има и втор при резултат 3:1 во гејмови.
Вториот сервис на Циципас заврши во аут и автоматски на семафорот требаше да биде 4:1 за Синер, но наместо тоа, судиите не се огласија и поенот му припадна на Циципас.
Јаник јасно и покажа на главната судија за големата грешка која беше направена на негова штета и повторената снимка докажа дека тоа беше очигледен аут, па од тука почна моментумот да се префрла на спротивната страна.
Циципас го одбрани својот сервис и намали на 3:2, а потоа Синер почна да има физички проблеми и освои само еден гејм во наредните пет. Наместо 4:1 и сервис за 5:1, Синер мораше да се помири со горчлив пораз од 6:4, па така прв финалист на Мастерсот во Монте Карло се претвори Циципас.
Контроверзниот момент погледнете го ТУКА
-
Македонијапред 21 час
Струга го отпушти тренерот на три кола до крајот на шампионатот
-
АТПпред 23 часа
Алкарас: Не сакам да губам, но…
-
Олимписки игрипред 21 час
И на Пешиќ му „пукна филмот“: Здодевни сте со Јокиќ…
-
Лига на шампионипред 20 часа
Дортмунд за играчот кој беше незадржлив против ПСЖ: Сите му должите извинување (ФОТО)
-
Германијапред 22 часа
Уште еден удар за великанот: Баерн остана без планираниот тренер за наредната сезона
-
Италијапред 21 час
Пет важни правила-Милан е во потрага по ваков тренер
-
Лига на шампионипред 23 часа
Судиска одлука за која ќе се зборува: Душебајев и Карачиќ на колена, Талант се фаќаше за глава (ВИДЕО)
-
Англијапред 23 часа
Навивачите на Челси не се толку храбри во живо: Можеби се плашат од моето куче…(ФОТО)