Разиграниот Мекиќ го имаше насекаде, Задар го остави противникот без кош во една четвртина

Тимот на Задар продолжува да игра одлично во хрватскиот шампионат каде ја прокнижи 15. победа во 16 натпревар,

Избраниците на Јусуп славеа на гостувањето кај Забок со 79:58 и тоа во средба во која ќе ја паметата затоа што во третиот период не му дозволија на противникот да постигне ниту еден поен, поточно истата заврши со 22-0.

Токму тука аба-лигашот се одлепи и отиде на плус 25, па завршините десет минути беа чиста рутина.

Македонскиот репрезентативец, Адем Мекиќ беше одличен во дресот на гостите затоа што буквално го имаше секаде на теренот и на крајот заврши со 12 поени, 9 скокови, 6 асистенции, 5 украдени топки и 1 блокада. Најефикасен беше Мазалин со 20 поени на кои придодаде 7 скока и 6 асистенции.

Во наредното коло Задар е домаќин на најслабиот клуб во лигата-Боско.