Познати четирите шешири за групите на ЕП: Три „нагазни мини“ и големи шанси за „група на смртта“ (Фото)

Хрватска е последниот (21-ви) директен патник на Европското првенство кое ќе се игра во Германија следната година, а во исчекување на последните три селекции кои ќе ги дознаеме по одиграниот бараж, веќе познато е како ќе изгледаат квалитативните шешири.

УЕФА ги одреди носителите на групите според учинокот и остварените резултати во квалификациите, па поради тоа ќе има и три „нагазни“ мини во третиот и четвртиот шешир.

Хрватска и покрај добриот коефициент се избори само за третиот шешир, а причина за тоа се лошите квалификации кои ги одигра, во кои оствари пласман на континенталниот турнир дури вечерва со победа над Ерменија.

Нагазна мина ќе биде и селекцијата на Холандија која исто така е во третиот барабан, додека Италија е во четвртиот и ќе биде ривал за избегнување.

Во првиот шешир се подредени домаќинот Германија, Португалија, Франција, Шпанија, Белгија и Англија, додека вториот го сочинуваат Унгарија, Турција, Романија, Данска, Албанија и Австрија.

Прв шешир: Германија, Португалија, Франција, Шпанија, Белгија, Англија

Втор шешир: Унгарија, Турција, Романија, Данска, Албанија, Австрија

Трет шешир: Холандија, Шкотска, Хрватска, Словенија, Словачка, Чешка

Четврти шешир: Италија, Швајцарија, Србија и трите победници од баражите.

Ждрепката за групната фаза на Европското првенство ќе се одржи на 2-ри декември во Хамбург.

OFICIAL: Bombos para la fase de grupos de la EURO 2024 🇪🇺🏆

El sorteo se realizará el 2 de diciembre 📆 pic.twitter.com/2N8ZuAzN96

— Fútbol, fútbol y más fútbol ❤️⚽️ (@Futbool_Fotos) November 21, 2023