Пелистер со жестока осуда: Нашите играчи денеска стравуваа за своите животи во Тетово (Видео)

Денеска попладне се одиграа сите осум натпревари во Втората македонска фудбалска лига, но покрај возбудувањата на врвот на табелата, интересна ќе биде и битката за опстанок.

Тетекс успеа да врзе втора победа во низа и денеска во драматичен меч славеше над Пелистер со резутат 2:1, натпревар кој се играше повеќе од 100 минути поради влегување на домашните навивачи на теренот.

Домашниот тим победи со гол во судиското продолжение, а Пелистер неколку часа по мечот се јави со официјално соопштение, со кое и долови на јавноста дека денес играчите на првито тим стравувале за своите животи во Тетово.

– ФК Пелистер ја известува јавноста дека попладнево бевме сведоци на тотално нерегуларен натпревар, во кој бевме доведени во ситуација нашите професионалци да стравуваат за својот живот и да играат натпревар со присуство на навивачи в терен.
Сакаме да апострофираме дека по израмнувачкиот гол на Пелистер во 89. минута од натпреварот против Тетекс, на терен влегоа десетина навивачи и натпреварот немаше услови да продолжи и да се доигра. Сепак, беше донесена одлука да се игра дури и со навивачи присутни в терен, на непосредна близина од нашите фудбалери и веднаш до нашиот голман. Нашиот клуб нема никакви замерки за професионалноста на своите фудбалери, но апострофира дека денес многумина од нив стравуваа за својот живот на нерегуларниот натпревар во Тетово.

– Порачуваме сериозно да се анализира нерегуларниот натпревар во Тетово и да се извлечат заклучоци зошто и како нашите фудбалери беа приморани да играат во вакви услови. Зошто делегатот дозволи натпреварот да продолжи кога навивачи влегоа в терен и физички манифестираа насилство врз службени лица.
Нема да дозволиме ваков тип на натпревари да ни станат секојдневие и ќе продолжиме со чесниот пристап за игра и однесување која му прилега на клуб како Пелистер. Чувствуваме должност ваквите девијации на нашите терени, кои никогаш не се случиле и нема да се случај кога ФК Пелистер е домаќин, да ги пријавиме на надлежните органи и јавноста и да ги заштитиме нашите професионалци. (утре следуваат видео детали од натпреварот)