Пелистер го декласираше Бутел и врза четврта победа во домашното првенство

Еурофарм Пелистер има згуснат распоред поради европските обврски и настапите во Лигата на шампионите, но засега го одржува темпото и лесно се справува во домашното првенство.

По почетниот пораз од Вардар, „зелено-белите“ врзаа четири победи во низа, па како актуелни шампиони денеска не му дадоа никаква шанса на Бутел во пресметката во Битола.

Еурофарм Пелистер покажа квалитет и во овој момент е далеку подобар ривал од Бутел, кој малку фалеше да доживее пораз со двојно помалку постигнати гола од фаворитот.

Пелистер славеше со 37:19 и освои нови бодови на табелата, но сепак нема премногу време за славје, бидејќи во наредните пет дена ќе игра уште еден меч со Тинекс Пролет, а потоа и натпревар со ПСЖ во Лигата на шампиони.

Костески со седум гола беше најдобар стрелец кај победникот, Радивојевиќ постигна шест, а Танкоски го заврши мечот со четири реализации.