Морати за Супер Куп пресметката: Можеше да се забележи голема разлика на теренот, најдобар беше…

Интер му одржа лекција на Милан во италијанскиот Супер Куп кој успеа да го добие во Саудиска Арабија со 3-0.

Со ова „нероаѕурите“ само ја потврдија кризата во редовите на градскиот ривал, а дека во моментов постои разлика меѓу двата клуба од Милано забележа и некогашниот претседател на Интер, Масимо Морати.

-Ова беше убав натпревар, не од оние добиени на среќа. Второто полувреме беше пријатно за гледање. Интер доминираше на натпреварот и можеше да се забележи голема разлика помеѓу двата тима на теренот. И по квалитет на игра, ентузијазам и живост.

-Секако, Милан излезе на теренот со помала сила. Не знам дали тоа беше атлетско или психолошко прашање, моментално не се во форма, изгледаат многу уморни. Но, мислам дека имаше влијание и паузата од Светското првенство, -вели Морати кој го избра Един Џеко за најдобар играч на теренот.

-Јас би рекол Џеко. Со 37 години продолжува да игра фудбал на врвно ниво и синоќешниот гол е потврда за тоа. Доминираше во одбраната на противникот и постигна извонредно прекрасен гол, кој стана симбол на оваа голема победа во Суперкупот, -подвлече Масимо.