Младинците не го положија завршниот испит за титулата, но ќе играат во елитната А-дивизија

Македонската кошаркарска репрезентација до 20 години доживеа пораз од Чешка од 85-72 во борбата за златото на Европското првенство Б-дивизија кое се играше во нашата земја.

Како што го започнавме така и го завршивме овој турнир со пораз од Чесите и тоа со некое слично сценарио во кое противникот не скрши, ја направи клучната разлика во последниот период. На првиот средва таа завршна четвртина ја добија со 22-14 за конечно славје од 80-75, додека пак вечерва во СЦ „Борис Трајковски“ во тој дел беа подобри со 33-20.

Меѓутоа ова е пораз кој не боли затоа што од претходно имавме обезбедено напредок, скок, влез во елитната А дивизија.

Симиќ со 23 поени беше наш прв стрелец, двоцифрен беше уште само Петков со 14 кошеви.

Чешка имаше дури пет играчи со +10 кошеви, предводник беше Хустак со 17 поени и 9 скокови.