Македонија ја доби Унгарија и го освои третото место во Европската сребрена лига

Македонската одбојкарска репрезентација славеше над Унгарија со 3-2 во завршниот меч во овогодинешното издание на Европската сребрена лига.

Избраниците на Ратко Павличевиќ се изборија за победа против домаќинот на фајналфор турнирот и го освоија третото место во оваа конкуренција. Ние два пати водевме со 1-0 и 2-1 во сетови (25-22, 25-25), противникот двапати одговараше (18-25 и 19-25), па мораше да се игра решавачка петта рунда, тај-брејк во кој „спартанците“ беа на повисоко ниво и со доминатни 15-7 дојдоа до триумф.

Никола Ѓоргиев со 28 поени одново беше алфа и омега во нашата селекција, а одличен беше и Илиев со 17 поени.

Во финалето на Европската сребрена лига силите ќе ги одмерат Финска и Романија.