Лазаров го скрати списокот за двомечот со Романија (ФОТО)

Селекторот на македонската ракометна сениорска репрезентација, Кирил Лазаров го скрати списокот на играчи на кои ќе смета за престојниот бараж дуел против Романија за пласман на Светското првенство кое се игра наредната година во Полска и Шведска.

На првиот списос имавме 35 ракометари, бројка која сега е скратена на 21 во која е и самиот Лазаров кој од претхондо најави дека ќе помогне да ја минеме оваа пречка на патот до мундијалот.

Средбите против Романците се закажани за 17 и 19 март, првиот во Скопје, вториот во Букурешт, а победникот од битката ќе оди на мегдан против Чешка.

Првиот собир е закажан на 13 март од 20 часот во хотелот Александар Палас во Скопје.