Кошаркарските кадети немаа решение за моќната Франција

Македонската кадетска кошаркарска репрезентација го доживеа првиот пораз на Европското првенство и тоа од фаворитот Франција, кој на денешниот дуел славеше со убедливи 113:56.

По многу важниот триумф против Белгија, нашите кадети денеска не можеа да го изненадат моќниот противник, кој важи за еден претендентите и за трофејот на овој престижен турнир.

Првичната негатива по првиот период ја оставаше Македонија во игра на оваа средба, но не беше така и по наредните десет минути, бидејќи Французите на полувреме заминаа со предност од 60:32.

Тоа го претвори преостанатиот дел од мечот во рутинска победа за фаворитот, во кој Французите и дополнително го полнеа македонскиот кош.

Доријан Ивановски со 16 поени бил најдобар реализатор во нашиот национален тим, а го следеле Марјановиќ и Јаничиќ со по 10 поени, додека кај Французите, Нажи и Булефа реализирале по 16 поени.

Избраниците на селекторот Александар Јованчев утре имаат уште еден тежок предизвик, бидејќи за противник го имаат актуелниот европски првак Литванија.