Хрватски суд поднесе обвинение за Модриќ и Ловрен, им се заканува затворска казна

Лука Модриќ и Дејан Ловрен ќе одговараат пред судот во Осијек за својата инволвираност во судските процеси кои се водеа за Здравко и Зоран Мамиќ и нивните најблиски соработници кои беа дел од раководството на Динамо.

Првично отфрленото обвинение за фудбалските ѕвезди сега е реактивирано, а Модриќ и Ловрен се обвинети за давање лажни искази пред судот.

За време на истрагата, Модриќ и Ловрен ги потврдиле наводите на истражителите дека членовите на кланот Мамиќ нелегално повлекување пари од сметката на Динамо, но изненадувачки го променија својот став за време на судењето.

Модриќ тврдел дека не ги разбрал добро прашањата на истражителите, додека Ловрен го објаснил поинаквиот став со приватни проблеми, односно операцијата на ќерката која била изведена истиот ден кога бил одведен во станица за да го каже својот став за обвинението.

Фудбалските ѕвезди сега ќе одговараат дека намерно ги промениле исказите за да ги заштитат обвинетите, а им се заканува затворска казна од шест месеци до пет години.