Ѓорче Петров со нов триумф го докрајчи Тиват во Европскиот Куп

Составот на ЖРК Ѓорче Петров забележа уште една победа во пресметката со Тиват во Европскиот Куп.

Македонскиот шампион доминираше на првата средба во Скопје (43-22), додека пак денеска во Црна Гора со рутински триумф од 29-24 само го потврди пласманот во третата рунда на ова натпреварување на ЕХФ.

Избраничките на Симе Симовски водеа со 15-9 по првите 30 минути, но во вториот дел покажаа слабости и му дозволија на противникот целосно да се врати во игра, биде конкурентен, но нашиот претставник го имаше последниот збор и дојде до нов триумф.

Ризоска со 7 и Јанкуловска со 5 гола беа најефикански кај ѓорчепетровки, додека пак за домаќинот Ковачевиќ имаше 9 реализации.