Фудбалер на Рома се обложил дека ќе заработи жолт картон против Салернитана

Скандалот со обложување на нелегални платформи ја потресе италијанската фудбалска јавност, пред се поради вмешаноста во аферата на актуелни и потенцијални италијански репрезентативци.

По Тонали, Ѕаниоло и Фаџоли, медиумите објавија и четврто име кое е инволвирано во нелегалното обложување, а се работи за фудбалерот на Рома, Никола Залевски.

Полскиот репрезентативец не само што се обложувал на натпревари на својата екипа, туку „Ла Република“ тврди дека е осомничен и дека се обложил дека ќе добие жолт картон на дуелот меѓу Рома и Салернитана.

Залевски тогаш заработи картон во 94. минута од натпреварот.

Првите вмешани во скандалот, Фаџоли, Тонали и Ѕаниоло признале дека биле присутни на платформата, но играле други игри, а не спортско обложување.

Lo scandalo si allarga: Corona ora fa il nome di Zalewski #scommesse #zalewski https://t.co/WlDksfFM9F

— SportMediaset.it (@sportmediaset) October 13, 2023