Фернандез со смешен гол спречи срам за Челси на „Стемфорд Бриџ“ (Видео)

Тотенхем вчера доживеа рана елиминацијата уште во првата рунда во Карабао Купот, но денеска такво сценарио избегна Челси кој на домашен терен се изнамачи со четвртолигаш.

Вимблдон го предзивика тимот на Маурисио Покетино и одлично се држеше на „Стемфорд Бриџ“, па дури и поведе на гостувањето со гол во раната фаза на натпреварот.

Тајли погоди од пенал за 0:1 во 11-та минута, а Челси не можеше премногу да се наметне поради тоа што Покетино играше со втор тим. Сепак, домаќините добија шанса да израмнат на идентичен начин и Мадуеке стрелаше од белата точка за 1:1, по што Покетино реши да се потрпе на поискуснит играчи во вториот дел.

Џексон, Густо и Енцо Фернандез добија шанса во раната фаза на второто полувреме, а токму Аргентинецот спречи голем срам за Челси и погоди по една комична ситуација.

Голманот на Вимблдон ја шутна топката во играч на Челси, таа се одби од дефанзивецот и заврши во нозете на Аргентинецот, кој потоа имаше лесна задача и погоди за 2:1 и пласман во следната рунда на Карабао Купот. Интересно, ова беше прв гол за Енцо во дресот на Челси по милионскиот трансфер кој го направи во месец јануари.