Еуро Никел го разби Гостивар во „Младост“, прва радост за Кожув

Кошаркарите на Еуро Никел го прегазија Гостивар со 106:67 на средбата од третото коло во Првата лига.

Гостивар секогаш е незгоден домаќин, тим кој ретко дозволува да биде освоена салата „Младост“, меѓутоа вечерва немаа одговор за противникот кој ги надигра во сите четири четвртини.

Дури шест играчи кај кавадарчани беа двоцифрени, лидер беше Меквен со 17 кошеви. Младиот Златевски пак даде 13 кошеви за поразениот состав.

Кожув дојде до првито сезонски триумф и тоа во дуелот со Охрид кој го реализираше со 96:69. Слејтер, Кришнан и Артисон уфрлија по 18 и 15 кошеви, додека на другата страна Кимброу беше автор на 18 поени.

Ова трето коло ќе бидее затворено со мечот во кој ќе играат нашите два клуба претставници во АБА 2 лигата, Пелистер и МЗТ Скопје.