Димитријевиќ делеше асистенции, Валенсија со пеколни десет минути ја суреди Виртус Болоња (ВИДЕО)

Екипата на Валенсија за која настапува Ненад Димитријевиќ славеше над Виртус Болоња со 83-77 во дербито на 13. коло во групата Б во Еврокупот.

Првиот дел мина во изедначена игра и домаќинот замина на пауза со плус два (40-38). Третиот период донесе доминација на гостите кои одиграа супер во одбраната, ефикасно во нападот и тоа им овозможи во завршните десет минути да влезат со двоцифрена позитива (63-52).

Ова како да им донесе дополнителен мотив на избраниците на Пенароја кои последната четвртина ја одиграа како во транс и со 31-14 направија комплетен пресврт за 9 триумф во оваа фаза.

Препелиќ со 19 поени беше далеку најпрециенн играч кај Валенсија, тим за кој пак Димитријевиќ забележа најмногу асистенции (5), плус уфрли 8 поени. На спротивната стрена се истакна Вимс со 17 поени.