Данска не го издржа налетот на Франција, познати се полуфиналните двојки на ЕП

Селекцијата на Франција е последниот патник во полуфиналето на Европското првенство и тоа откако вечерва во завршниот меч од главната фаза славеше над Данска со 30-29.

Данците на оваа средба решија да настапат без двајцата најдобри играчи Хансен и Гидсел, но без разлика на тоа беа подобри и го надиграа противникот во најголем дел од средбата. Скандинавците на полувреме имаа плус пет (17-12), позитива која успешно ја имаа, држеа во повеќе наврати во вториот дел се до 27-22.

Тука започна налетот на „триколорите“ кои направија серија од 8-2 со што се изборија за победа со која воедно го освоија првото место во групата.

Франција во полуфиналето ќе игра против Шведска, додека Данците ќе излезат на мегдан со Шпанија.

Во мечот за петтото место Исланд ќе се соочи со Норвешка.