Чешка обезбеди место на ЕП 2024, селекторот донесе неочекувана одлука

Чешката фудбалска репрезентација вчера ја совлада Молдавија со убедливи 3:0 и на тој начин го потврди учеството на уште едно Европско првенство.

Она што се случи по триумфот ги изненади фановите во оваа земја, бидејќи селекторот Јарослав Силхави реши да поднесе оставка и да се повлече со целиот стручен штаб.

– Иако сега сме многу среќни, уште пред натпреварот одлучивме да се повлечеме од нашите функции.

– Го информирав претседателот на федерацијата, притисокот беше преголем што за мене некогаш е неразбирливо, а тоа влијаеше и нашата одлука, – рекол Силхави пред медиумите.

Силхави ја водеше Чешка од септември 2018 година и во овој период селекцијата стигна до 26 победи на 56 одиграни натпревари.