Балотели го избра најтешкиот дефанзивец против кого играл во кариерата и откри за кој италијански тим навива од дете

Марио Балотели за многумина има статус на „пропаднат талент“ поради фактот што не го исполни потенцијалот како што се очекуваше, но неговиот пад е посебно забележителен во последните неколку години во кои настапуваше за Бреша, Монца, Адана и моментално Сион.

Поранешниот италијански репрезентативец е далеку од своите најдобри играчки денови и во август ќе наполни 33 години, но сепак за ова време мина многу работи во фудбалот и затоа секогаш е интересен за новинарите.

„Супер Марио“ даде неколку интересни изјави во подкастот „Федез“, каде го именуваше својот најтежок ривал против кој се соочил на теренот, а го откри и тимот за кој навива во Италија.

– Тиаго Силва е најдобриот дефанзивец против кого имам играно во кариерата, кратко и јасно, – одговорил Балотели.

– Јас од мали нозе сум навивач на Милан, но се што направив во кариерата му должам на Интер. Затоа го сакам Интер и се уште го сакам, тие веруваа во мене и ми дадоа шанси. Се што остварив во фудбалот, му должам на Морати, – потенцира напаѓачот.