Алкарас нема да го брани трофејот во Барселона

Карлос Алкарас до последен момент се надеваше дека ќе биде подготвен за настапот на турнирот во Барселона од АТП 500 серијата, но денеска и официјално се повлече од турнирот на кој требаше да го брани трофејот од минатата година.

Шпанскиот тенисер влече повреда на раката која се уште му создава проблеми, а денешниот утрински тренинг потврдил дека процесот на рехабилитација не е завршен.

Треторангираниот светски тенисер веќе го пропушти Мастерсот во Монте Карло поради истата причина, сега ги разочара своите фанови и со повлекувањето од настанот во Барселона, а негов фокус сега ќе биде Мастерсот во Мадрид.

Местото на Алкарас во Барселона ќе го заземе Унгарецот Фабијан Марошан, а Шпанецот ќе се обиде да го реши проблемот до 24. април, кога започнува турнирот во шпанската престолнина.

Te vamos a echar de menos, campeón 😢@carlosalcaraz no podrá defender la corona que ha conquistado en las dos últimas temporadas en el #BCNOpenBS

¡Te deseamos una pronta recuperación y esperamos verte de nuevo el próximo año! 😘 pic.twitter.com/3xy3KxxuGC

— Barcelona Open Banc Sabadell (@bcnopenbs) April 14, 2024