Варан: Разочарани сме, но и горди…

Франција не успеа да ја одбрати светската титула која по голема борба заврши во рацете на Аргентинците.

Французите имаа многу проблеми на средбата во Лусаил, ама одново покажаа карактер и од негатива од 2-0 се вратија во игра и изборија продолженија во кои одново требаа да го бркаат водството на противникот, дојдоа до 3-3 и имаа шанса за 4-3 која не ја искористија за да потоа дојде пенал рулетот во кој „гаучосите“ беа на повисоко ниво и го освоија пехарот во Лусаил.

-Многу сме разочарани, дадовме се. Моравме да се соочиме со многу пречки за време на натпреварувањето, не се откажавме од ништо. Еден час не бевме на натпреварот. Можевме и ние да победиме, јас сум многу горд на оваа група и што сум Французин. Главите горе, -рече Рафаел Варан.

-Се вративме на овој натпревар кога беше комплициран, се играше многу брзо, потоа физички бевме подобри. Притискавме и верувавме до крај. За малку ќе го свртевме натпреварот кој започна лошо. Покажвме ментална сила, многу срце. Ова ни овозможи да се вратиме на овој натпревар. Разочарани сме, но и горди, -порача стоперот кој едноставно „издиша“ во второто продолжение и мораше да биде заменет со Конате.