Супер издание на Лазаревски, Тримо Требње го изненади лидерот Целје (ВИДЕО)

Македонскиот интернационалец, Милан Лазаревски го одигра најдобриот меч во дресот на Тримо Требње и беше меѓу најзаслужните за големиот триумф на оваа екипа над лидерот Целје во првата лига на Словенија.

Составот на Тримо Требње покажа многу повеќе низ 60 минути и избори триумф од 30-29, односно му го нанесе првиот пораз на Целје во актуелната натпреварувачка кампања. Лазаревски одигра без грешка и даде шест голови од исто толку обиди или поточно беше прв стрелец заедно со Филип Главаш (6/8).

Вториот Македонец во тимот на Тримо, Тоше Ончев не беше во комбинација за оваа средба.

Сега Милан, Тоше и компанија имаат 37 бода со што се втори на табелата со минус шест во однос на Целје, ама воедно имаат и два натпревари за доигрување.