Шпанија одигра пеколно второ полувреме во Стокхолм и остана трета ракометна светска сила (ВИДЕО)

Репрезентацијата на Шпанија е освојувач на бронзениот медал на 28. Светско првенство и тоа откако вечерва во „малото финале“ во Стокхолм славеше над Шведска со 39-36.

Домаќините водени од публиката беа подобар ривал во првите 30 минути во кои се изборија да заминат на пауза со плус четири (22-18), меѓутоа вториот дел беше сосема поинаква приказна, период во кој блескаа избраниците на Рибера.

„Црвената фурија“ брзо ја стопи предноста на Швеѓаните, го презема водството и потоа контиинуирано го одржуваше меѓе 2,3 и 4 разлика. Со ова Шпанците го одбранија третото место од претходниот Мундијал во Египет или севкупно ова за нив беше трета бронзена медала.

Фигуерас со 9 гола беше најефикасен кај победникот, Ване кај поразените запиша 9 голови од 13 обиди.

🥉🌍 ¡¡𝐒𝐎𝐌𝐎𝐒 𝐁𝐑𝐎𝐍𝐂𝐄 𝐌𝐔𝐍𝐃𝐈𝐀𝐋, #Hispanos🇪🇸!!

❤️ ¡ESTAMOS SÚPER ORGULLOSOS DE VOSOTROS! ¡Haciendo historia en el deporte español! 👏🏻#StickTogether #POLSWE2023 #SerHispano pic.twitter.com/AK2KzQtY7e

— RFEBalonmano (@RFEBalonmano) January 29, 2023

Претходно пак Германија ја доби Норвешка за 5. место, а Египет селекцијата на Унгарија за 7 позиција.