Се израмни со Обрадовиќ: Барцокас е тренер на годината во Евролигата (ФОТО)

Предводникот на Олимпијакос, Јоргос Барцокас е избран за најдобар тренер на годината во Евролигата.

Барцокас доби најмногу гласови од неговите колеги, односно на овој начин остана ја врвот, ја задржа круната затоа што и во претходната кампања го доби признанието „Александар Гомељски“. Јоргос го предводеше Олимпијакос до првото место во регуларниот дел од Евролигата, а потоа му помогна и да се пласира на завршниот турнир во Каунас и тоа откако со 3-2 беше совлада Фенербахче.

Ова за грчкиот стратег е трета ваква награда во кариерата со што се израмни со легендарниот Жељко Обрадовиќ кој пак заврши на втората позиција во трката за признанието во натпреварувачката 2022/2023.

𝐂𝐨𝐚𝐜𝐡 𝐨𝐟 𝐭𝐡𝐞 𝐘𝐞𝐚𝐫: Georgios Bartzokas🏆

For the second year in a row, Bartzokas has been honored for leading @Olympiacos_BC to the Final Four by being voted the 2022-23 Alexander Gomelskiy Coach of the Year by his fellow EuroLeague head coaches. pic.twitter.com/9A5JqChuew

— Turkish Airlines EuroLeague (@EuroLeague) May 14, 2023

Олимпијакос во полуфиналето се соочува со Монако, другиот пар е Барселона-Реал Мадрид.