Роналдо шоу: Два гола од слободен удар и лоб мајсторија во едно полувреме (Видео)

Кристијано Роналдо продолжува да доминира во Саудиска Арабија и вечерва го поправи својот голгетерски скор, бидејќи му беше доволно едно полувреме за да постигне нов хет-трик.

Португалскиот фудбалски мајстор ги тероризира противничките одбрани и денеска беше нерешлива енигма за Абха, тим кој прими дури пет гола во првите 45 минути.

Три беа дело на Роналдо кој двапати погоди од слободен удар и еднаш со мајсторски лоб, но својата вонсериска партија ја комплетираше и со две додавање.

Кристијано беше асистент на головите кои ги постигнаа Мане и Ал Сулеихем, па откако го реши прашањето околу победникот уште во првиот дел, беше повлечен од игра.

Роналдо не излезе на терен во вториот дел и доби одмор од тренерот на Ал Наср, но и без него на теренот, фаворитот постигна уште два гола во раната фаза во вторите 45 минути.

Головите погледнете ги ТУКА