Рио по поразот на Челси: Тоа е голем проблем

Челси не успеа да оствари позитивен резултат против Борусија Дортмунд во првата средба од осминафиналната рунда во Лигата на шампионите.

„Сините“ иако имаа свои шанси загубија со 1-0 со погодокот кој во второто полувреме го даде брзоногиот Адејеми кој го мина целиот терен, ги остави зад себе Фернандез и голманот Аризабалага пред да ја смести топката на вистинското место.

Со ова премиерлигашот продолжи да ги разочарува своите навивачи што за Рио Фердинанд и не е изненадување затоа што според него клубот на погрешен начин вложува по доаѓањето на Тод Боли, поточно за него е необјасниво како клубот не ангажирал класична квалитетна деветка (ако се иземе Обамејанг) иако беа потрошени 552 милиони фунти за засилувања.

-Потер ќе најде позитивни работи, ќе каже „полека, но сигурно ќе стигнеме каде што посакуваме“. Тие немаат деветка во овој тим. Потрошија толку пари во последните два преодни рока и не ангражираа деветка. Тоа е проблем.

-Долгорочно ќе тргнат и ќе го добијат. Тие прават се како што треба до таа точка. Начинот на кој екипата ја додава топката низ линиите и доаѓа до тие добри делови. Ама повторно тие ја немаат таа клиничка завршница во овој тим, -порача Рио за „Би-Ти Спорт“.