Охрид рутински со Аеродром, Струга ја продлабочи кризата на Еурофарм Пелистер 2

Составот на ГРК Охрид им се врати на победите во Суперлигата или поточно брзо го заборави неуспехот со Тиквеш и лесно го реши Аеродром со 31-23.

Домаќините имаа јасна зацртана цел на оваа средба и со добра игра уште во првиот дел (18-11) најавија дека ќе дојдат до она што го посакуваат.

На крајот Охрид славеше со осум разлика, најефикасни беа Орјоникидзе и Стоилевски со по шест реализации. Кај поразените Костов беше автор на осум гола.

Еурофарм Пелистер 2 продолжува со лошите резултати, односно го забележа петтиот пораз на шестиот натпревар. Подобар од нив беше тимот на Струга кој славеше со 23:21. Бошњак со осум гола беше прв поединец, кај битолчани најсветла точка беше Калајџиески со шест гола.

На другите две средби, Прилеп и Голден Арт ремизираа со резултат 28-28, Бутел пак тесно го доби Вардар Неготино со 22-21.