Одредени стартните постави за големото финале: Анчелоти направи две измени, Чави само една (Фото)

На нешто повеќе од еден час пред почетокот на големото финале во Ријад, Карло Анчелоти и Чави Ернандес ги отворија картите за новата „Ел Класико“ пресметка, втора од стартот на оваа натпреварувачка сезона.

Во реприза на минатогодишното финале во Саудиска Арабија, Барселона ќе се обиде да ја одбрани титулата против вечниот ривал, но според формата, Реал влегува како благ фаворит на овој дуел.

Сепак, кога се „Ел Класико“ дуелите во прашање, ништо не може да се претпостави и ниту една прогноза не се покажа како точна, па на крајот сигурно ќе пресудат ситните детали и мотивацијата со која ќе настапат двете екипи.

Карло Анчелоти реши да им верува на најголем дел од играчите кои истрчаа во полуфиналето со Атлетико Мадрид и направи две измени, од кои посебно впечатлива е онаа на голот.

Италијанецот му даде предност на Украинецот Лунин пред Кепа, па со тоа јасно стави до знаење дека не бил сосема задоволен од изданието на Шпанецот против Атлетико. Втората измена е во средниот ред, а место во стартниот тим доби Тони Крос на сметка на Лука Модриќ.

Од спротивната страна, Чави направи само една измена од полуфиналето со Осасуна, па повредениот Рафиња е заменет од повратникот Педри.

Стартни постави:

Реал Мадрид: Лунин, Карвахал, Ридигер, Начо, Менди, Чуамени, Крос, Валверде, Белингам, Родриго и Винисиус

Барселона: Ињаки Пења, Араухо, Кунде, Кристенсен, Балде, Гундоган, Де Јонг, Серхи Роберто, Педри, Феран и Левандовски.

¡Vuelve Pedri!

Ya tenemos los onces del Barça y el Real Madrid para el clásico. Todo a punto!!!

Joao Félix se vuelve a quedar en el banquillo. Volvemos al sistema de cuatro medios y Ferran Torres jugará, presumiblemente, por la derecha.

Creo que es el once correcto!! 👌 pic.twitter.com/EVc7eT5g2r

— Víctor Malo (@VMalo8) January 14, 2024