Нема фудбал во Србија: Одложено вечното дерби меѓу Партизан и Звезда

Утре на програмата требаше да биде првото големо дерби меѓу Партизан и Црвена Звезда, но сепак во оваа недела нема да дојде до предвидениот 171-ви меч меѓу овие два тима.

Медиумите од соседна Србија информираат дека почитичката состојба на Косово носи преголем ризик за одигрување на вака тензичен меч, па поради тоа, одложено е цело коло во Првата и Втората лига.

Трагичните случувања во Косово предзивикаа паника во регионот, а Србија за утре најави ден на жалост и во такви околности ќе нема простор за фудбал.

Доказ за одложеното вечно дерби е и откажаната прес-конференција од страна на Партизан, која требаше да биде одржана ова попладне.

Новиот датум за одигрувањето на дербито ќе биде одреден по консултација со двата клуба, но и со ТВ куќите кои ја пренесуваат српската лига.