Навивачите на Ријека со порака за Ристовски: Те чека пекол (Фото)

Оваа недела на програмата е големото хрватско дерби меѓу Ријека и Динамо, а навивачите почнаа со увертирите за пресметката уште неколку дена порано.

Великанот од Загреб не е во најдобра форма и бележи катастрофални резултати во последно време, па целта на Ријека ќе биде да им ја продлабочи кризата и да ги остави на дистанца.

Тимот од „Рујевица“ стадионот е второпласиран на табелата во Првата хрватска фудбалска лига, но за оваа недела посебно мотивирани се и навивачите кои во противничкиот табор гледаат двајца „предавници“.

Стефан Ристовски беше дел од Ријека во историската сезона кога беше освоена двојната круна, но откако направи трансфер во Спортинг, потоа се врати во Хрватска во лутиот ривал Динамо.

Македонскиот дефанзивец сепак не беше единствениот кој доби порака од улиците во Ријека, бидејќи навивачката група Армада го прозва и доскорешниот тренерн Јакировиќ кој исто така заврши во Загреб.

– Јакир и Ристовски, ве чека пекол, – гласи пораката од навивачката група Армада.

Фото: index.hr