Навивач доби жестока казна за навреда на фудбалер на социјална мрежа

Фудбалски фан кој го навредувал Ајван Тони на социјалните мрежи доби казна која ќе го спречи долг период да присуствува на некој фудбалски стадион.

24-годишниот Ентонио Нил решил да го навредува напаѓачот на Брентфорд на расна основа, а откако полицијата го идентификувала, обвинителството побарало строга казна како дел од обидите на британската влада да ги намали расистичките испади на социјалните мрежи.

Казната за обвинетиот е тригодишна забрана за присуство на сите стадиони на британска територија, а одлуката е важна бидејќи е прва базирана на новиот закон донесен минатата година.

Покрај домашните натпревари, Нил нема да може да следи фудбалски натпревари ниту во странство.

Нил го признал делото во Судот во Њукасл, а добил и условна затворска казна од четири месеци, која може да биде активирана наредните две години.