Музети: Ова е како сон за мене, да се победи Ѓоковиќ…

Италијанскиот тениски рекет, Лоренцо Музети направи огромно изненадување на Мастерсот во Монте Карло каде со пресврт славеше над најдобриот тенисер на светот, Новак Ѓоковиќ.

Музети успеа да се врати по водството на противникот и по негативата во вториот сет поточно да дојде до славје од 4:6, 7:5, 6:4, славје кое донесе емоции кај него.

-Се борев да не заплачам на крајот затоа што ова е победа полна со емоции. Долг натпревар, пауза поради дожд, условите не беа лесни, беше ладно и ветровито, не како претходните денови. Јас сум многу горд на себе. Можам да видам на екранот, како што реков, едвај можам да се воздржам од плачење, ова е како сон за мене, -рече Лоренцо и додаде:

-Не можевме да направам баланс, подобро ритерниравме од тоа што сервиравме. Размените на удари беа интензивни, долги, ова беше тешка и голема борба на физички и ментален план. Да се победи Ѓоковиќ, тоа е нешто неверојатно за мене, -заклучи Музети кој за нареден ривал го има сонародникот Јаник Синер.

Ѓоковиќ по неочекуваниот пораз: Ужасно се чувствувам…