Многу нереализирани шанси во Кратово: Силекс и Брегалница одиграа „нула“

Силекс и Брегалница дефинитивно имаат за што да жалат по крајот на денешниот натпревар во Кратово, бидејќи гостите од Штип пропуштија колосална шанса пред крајот на првиот дел, а домаќините два зицери во вториот.

Само чудо ја остави Брегалница без водство во 42-та минута, кога наместо да ја погоди празната мрежа, Андерсон успеа да го промаши цел гол и да режира едно од промашувањата на сезоната во Првата македонската фудаблска лига.

Ова беше најголемото возбудување во првиот дел, а вториот им припадна на домаќините кои во два наврати имаа стопроцентни шанси, а еднаш ја погодија и рамката од голот.

Во двата наврати главен актер беше Ѓорѓиевски, а поблиску до гол беше во 75-та минута кога на неговиот пат се испречи гредата од голот на штипјани.

На крајот, возбудливо реми без голови, за поделба на бодовите и мирољубив поздрав по последниот судиски свиреж во Кратово.