Металург не успеа да го изненади Чеховски Медведи

Металург не успеа да стигне до првата победа во групната фаза на ракометната Лига Европа, а денес беше поразен од Чеховски Медведи на домашен терен (32:37).

Рускиот тим имаше контрола на резултатот уште од почетокот, во првиот дел неколку пати поведе со плус четири, а на таков начин ја дочека и паузата за полувреме (17:21).

Не само што Металург не успеа да направи пресврт, туку Чеховски стигнуваше и до шест голови позитива во продолжението, па на крајот заслужено победи со конечен резултат 32:27.

Тарабокија со 9 и Митиќ со 7 голови беа најефикасни кај Металург, додека во победничкиот тим најдобри реализатори беа Осташенко со 6 и Киселев со 5 погодоци.

Металург останува без победа по седум одиграни натпревари, што значи и позиција на дното на табелата, а рускиот тим веќе има четири победи.