Поврзете се со нас

Дејвис куп

Медведев се мачеше само еден сет, Русија ја освои „салатарата“ по трет пат во историјата

Објавено

на

Руската тениска селекција по трет пат во историјата го освои Дејвис Купот, откако Андреј Рубљов и Данил Медведев ја завршија својата работа во синг дуелите кои беа први на програмата.

Рубљов го победи Борна Гојо со рутински 2:0, додека далеку поатрактивен беше вториот меч во Мадрид, во кој светскиот рекет број два ги одмери силите со Марин Чилиќ.

Искусниот Хрват понуди жестока битка во првиот сет, но откако Медведев ја искористи третата сет топка во тајбрејкот кој заврши 9:7, работите станаа доста едносмерни на теренот.

Медведев влезе во препознатливиот ритам и вториот сет го доби со рутински 6:2, па на тој начин ја потврди победата од 2:0 и третата Дејвис Куп титула на Русија во историјата.

Трофејот наречен „салатара“ заврши во рацете на Медведев, Рубљов и останатите, по што стана јасно дека мечот во дубл конкуренција воопшто и не е важен за епилогот во финалето.

 

Реклама
Реклама
Реклама

Популарни