Македонски претставници во мундијалското финале: Николов и Начевски добија голема чест од ИХФ

Славе Николов и Ѓорѓи Начевски беа дел од недокажан спинуван напад од Данска на почетокот на Светското првенство, но водени по старата народна поговорка „крајот го краси делото“, македонската двојка се избори за нов голем успех на највисоко ниво.

Светската ракометна Федерација реши да ги награди најдобрите македонски судии им го додели најважниот меч на мундијалот, што значи дека Николов и Начевски ќе ја делат правдата вечерва на финалето меѓу Данска и Франција.

Тоа значи дека големото финале во Стокхолм ќе има македонски претставници, кои ќе бидат задолжени за носење на најважните одлуки на клучниот меч за титулата.

Со ова, ИХФ испраќа силна порака за нивото на арбитража кое го имаат македонските судии, но покажува и дека цврсто свои зад своите членови кои добија неочекуван и незаслужен напад на почетокот на турнирот.

Големото финале се игра вечерва во Стокхолм во „Теле 2 арената“, со почеток во 21:00 часот.