Луис Енрике му прави притисок на Донарума со ангажман на доскорашен член на Барселона (Фото)

Неколку дена по доаѓањето на Луис Енрике, француските медиуми почнаа да пишуваат дека Шпанецот не верува целосно во Џанлуиџи Донарума, а најдобар доказ за тоа е потегот кој го повлече клубот во текот на денешниот ден.

„Светците“ донесоа конкуренција за италијанскииот чувар на мрежата и ангажираа талентиран голман од Шпанија, кој е добро познат на јавноста поради тоа што беше дел од фудаблската школа на Барселона.

Арнау Тенас мина пет сезони во Каталонија и мирно ја градеше кариерата во Б тимот на Барса, но ова лето реши да не го продолжува договорот со каталонскиот гигант и на 22 години стана слободен фудбалер.

Тенас има голем потенцијал и неговата предност е што добро игра со нозе, квалитет кој посебно го цени новиот тренер на ПСЖ кој сака јасно да стави до знаење дека никој не е недопирлив во првиот тим.

Младиот Арнау во прв момент пристигнува како замена за Донарума, но доколку се укаже шанса, може да се бори и за стартерското место во ПСЖ.

Le Paris Saint-Germain est heureux d’annoncer la signature d’Arnau Tenas. Le gardien de but de 22 ans s’est engagé jusqu’en 2026 avec le Club. 🔴🔵#WelcomeTenas

— Paris Saint-Germain (@PSG_inside) July 30, 2023