Лампард го смени нападот, Реал Мадрид со идентичен тим од првата средба

Челси има негатива од два гола од првата средба со Реал Мадрид и вечерва ќе се обиде да направи подвиг против актуелниот европски шампион.

Френк Лампард не може да биде задоволен од играта и резултатите и тоа јасно го потенцираше во своите изјави, па останува да видиме дали Лигата на шампионите ќе биде посебна инспирација која може да го промени впечатокот за актуелниот тим на Челси.

Лампард реши да ги префрли Жоао Феликс и Стерлинг на клупата, додека Кукурелја и Чалоба ќе ги менуваат Кулибали и Чилвел кои не се во комбинација.

Од друга страна, Реал нема причина да експериментира и менува, па Карло Анчелоти се одлучил за истите стартни единаесет од првата средба.

Челси: Кепа, Џејмс, Силва, Фофана, Чалоба, Кукурелја, Ковачиќ, Канте, Фернандез, Галахер, Хаверц

Реал Мадрид: Куртоа, Карвахал, Камавинга, Милитао, Алаба, Валверде, Крос, Модриќ, Родриго, Бензема, Винисиус.