Клубовите изгласаа: Валенсија со Нено и Партизан добија „вајлд карта“ за Евролигата

Валенсија и Партизан се последните два тима кои го комплетираат составот за новата сезона во Евролигата, откако ова натпреварување заедно со косопствениците на лигата ги прифатијата барањата на двата клуба.

„Црно-белите“ од Србија и шпанскиот тим беа единствените два клуба кои аплицираа да добијат „вајлд-карта“ за настап во најелитното европско натпреварување, а водечките луѓе на Евролигата заедно со 11-те клуба основачи ги прифатија нивните барања.

Прифатениот предлог од бордот на Еврлигат значи дека им се отвораат вратите на Валенсија и Партизан во најсилното натпреварување, што значи дека Ненад Димитријевиќ ќе биде дел од континенталниот крем во новата сезона.

Пред да дојде до оваа одлука, 11-те клуба основачи гласаа и за отфрлање на руските претставници во Евролигата, па така ЦСКА и Зенит нема да бидат дел од натпреварувањето.

Со оваа одлука, познатите се сите 18 тима кои ќе се натпреваруваат во Евролигата наредната сезона, а тоа се Реал Мадрид, Барселона, Басконија, Анадолу Ефес, Фенербахче, Олимпијакос, Милано, Панатинаикос, Макаби, Жалгирис, Баерн, Алба, Асвел, Виртус, Монако, Црвена Звезда, Партизан и Валенсија.