Јошко Миленкоски ќе го води ПАОК (Фото)

Македонскиот одбојкарски стартег Јошко Миленкоски е именуван за нов предводник на тимот на ПАОК.

Миленкоски се одлучи да седне на клупата на составот од Солун и да го води во натпреварувачката 2022/2023.

-Многу сум среќен што ќе бидам дел од еден од најдобрите тимови во Грција, кој од година во година е се посилен. Воедно за мене е голема чест што сум член на големото семејство ПАОК. Нè очекува тешка и напорна сезона.

-Целта ни е да бидеме борбени и да се бориме за сите титули. Ќе дадам се од себе ова да се случи. Сакам мојот тим да игра одбојка која ќе ги радува навивачите. Верувам дека со ростерот што ќе го изградиме ќе ги оствариме нашите цели, -порача Јошко кој во својата досегашна кариера освен во Македонија и Грција има работено во Турција, Црна Гора и Тунис.