Ѓоковиќ блескаше во својот прв работен ден на земјена подлога и испрати силна порака (Видео)

Новак Ѓоковиќ успешно го мина првиот работен ден на земјена подлога во 2024-та година, откако ова попладне блескаше на мечот од второто коло на Мастерсот во Монте Карло.

Светскиот рекет број еден пристигна во Монако без преголеми очекувања, но денешниот настап делува и тоа како охрабрувачки, особено ако се знае дека својот настап го откажа и Карлос Алкарас.

Ноле играше брилијантен тенис и најверојатно го одигра најдобриот меч од стартот на година, па со тоа ниво не му даде никаква шанса на Роман Сафјулин.

Ѓоковиќ „црташе“ на централниот терен во Монте Карло и освои низа импресивни поени, а на крајот рутински славеше со 6:1 и 6:2 за еден час и десет минути игра.

Новак на овој начин се пласираше во третото коло, а таму за ривал ќе го има подобриот од дуелот меѓу Артур Филс и Лоренцо Музети.

The Novak Djokovic sliding backhand line.

Perfection @DjokerNole👌 pic.twitter.com/oNp4Xrkrx5

— Rolex Monte-Carlo Masters (@ROLEXMCMASTERS) April 9, 2024

What a performance 🤯@DjokerNole wastes no time as he defeats Safiullin 6-1 6-2 💥#RolexMonteCarloMasters pic.twitter.com/MxNbVez4Hp

— Tennis TV (@TennisTV) April 9, 2024