Еурофарм Пелистер на македонски погон до лесна победа над Прилеп

По храброто издание против ПСЖ, Еурофарм Пелистер повторно мораше да се насочи кон домашните преизвици, а денеска пред своите гледачи без проблеми се справи против уште еден ривал од Суперлигата.

Тренерот Јовиќ денеска им даде шанса на македонските ракометари и се потпре на домашни сили, па и во такви услови „зелено-белите“ остварија лесна и убедлива победа над Прилеп (42:29).

Актуелниот шампион не успеваше да се одлепи во првите 15 минути по кои резултатот беше 8:8, но потоа имаше прво одлепување и на пауза замина со предност од 18:14.

Прилеп успеваше да парира и во почетната фаза на вториот дел, но повторно не можеше да одговори на налетот во вторите 15 минути, во кои Пелистер создаде и двоцифрена предност.

Костески и Ѓорговски беа лидери на победата и постигнаа по девет погодоци, додека кај гостите најефикасен беше Квастек со десет гола.