Енан: Ѓоковиќ повеќе не и угодува на публиката, тој сака само да победува

Новак Ѓоковиќ успеа на слави на Мастерсот во Париз, турнир на кој се соочи со доста предизвици за време на натпреварите како со противниците, но и со публиката со тоа што секогаш успеваше да пронајде начин за да дојде до посакуваната цел.

Славјето во Париз беше 40. за Србинот на Мастерсите, вкупно 97 пехар во кариерата со што најави атак на рекордот на Џими Конорс. Новиот триумф на Ѓоковиќ воодушеви многумина, а меѓу нив е и некогашната најдобра тенисерка на светот, Жастин Енан кој смета дека големиот грен слем шампион сега е фокусиран само на победи, триумфи, односно не сака повеќе да и угодува на публиката.

-Знаеме дека не е секогаш пријатно да имаш публика која одеднаш се врти непријателски кон тебе и почнува да го поддржува противникот. Интелигентно го „пресекува“ тоа што се случува и во исто време се ремобилизира. Тој има големо искуство на ова ниво.

-Сè уште мислам дека кога е во прашање публиката, тој се повеќе се дистанцира, повеќе не е таму да угодува, тој е таму да игра и да победува и мислам дека со тоа сè уште привлекува многу луѓе, -истакна Енан.