ЕХФ ја остави Русија без организација на Европското првенство

Руските спортски Федерации наидоа на сериозни рестрикции од западните земји поради воената инвазија во Украина, но иако во одредени спортови ситуацијата полека стивнува, во ракометот политиката се уште има големо влијание.

Русија требаше да биде домаќин на Европското ракометно првенство во 2026-та година, но иако е многу рано за било какви подготовки за организацијата, ЕХФ уште отсега го одзема специјалниот примат на оваа земја.

Европската ракометна централа денеска и ја одзема организацијата на Русија за Европското првенство во женска конкуренција, што значи дека ЕХФ ќе мора да бара нов домаќин.

Засега, не е познато дали ќе станува збор само за еден град или земја домаќин, или ќе биде како во некои други примери и ќе видиме неколку града во епицентарот на случувањата.

Кога се во прашање ракометните турнири во женска конкуренција, последното Европско првенство се играше и на наше тло, бидјеќи лани Македонија беше еден од коорганизаторите на континенталниот собир.