Дешамп излегол со краток одговор откако добил прашање дали ќе го врати Бензема за финалето

Карим Бензема се повреди непосредно пред стартот на Светското првенство и веднаш го напушти кампот на Франција, но еден месец подоцна, неговите колеги се изборија за пласман во големото финале во Катар и ќе се борат за одбрана на титулата светски прваци.

Франција го победи Мароко со 2:0 во второто полуфинале и го завери својот билет за неделното финале на „Лусаил“ стадионот, а со оглед на тоа што Карим веќе ја санираше повредата и Дешамп не повика замена за него, новинарите го прашаа дали планира да го повика и да биде огромно засилување против Аргентина.

– Нема да ви одговорам на ова, претпочитам да преминам на следното прашање, – истакнал нервозниот Дешамп, кој претходно во текот на турнирот веќе најави дека не планира да го врати Карим во тимот.

Дешамп решил да се насочи кон она што е реално и она што ги чека неговите фудбалери, а тоа е неделното финале против разиграните „гаучоси“ предводени од Лео Меси.

– Постои голема емоција и чест што повторно сме во финалето. Направивме важен чекор, но останува уште еден. Цел месец сме заедно во ова и никогаш не е лесно да стигнете до последниот меч. Сега чекаме само да дојде финалето и прекрасно е што имаме нова шанса за трофеј, – изјавил Дешамп на пресот.